Entdeckt luxroots.org

D’Lieser vun der Nationalbibliothéik hunn elo Zougrëff op eng weider Datebank: Luxroots.org enthält eng ëmfangräich Sammlung vu genealogeschen Dokumenter, déi haaptsächlech de Grand-Duché a seng Nopeschregiounen ofdecken an déi sech iwwer méi wéi dräi Joerhonnerten erstrecken.

D’Datebank ëmfaasst den Ament iwwer 3 Milliounen Datesätz, dorënner iwwer 2 Millioune Gebuertsschäiner mat Detailer, wéi Gebuertsdatum an -uert oder d’Nimm vun den Elteren; iwwer 342.000 Actes de mariage mat Informatioune wéi den Nimm vun der Koppel, vun den Elteren a vun den Zeien; an iwwer 686.000 Doudeschäiner, mat Detailer wéi Stierfdatum an -uert oder de Familljestand an Doudesursaach.

D’Datebank kann nëmmen am Gebai vun der Nationalbibliothéik consultéiert ginn.