Nei Online-Offer
Entdeckt Restaurator
D’Lieser vun der Nationalbibliothéik hunn elo Zougrëff op eng weider Online-Fachzäitschrëft: Restaurator.
Restaurator ass déi eenzeg international Fachzäitschrëft, déi sech exklusiv op d’Conservatioun vu Bibliothéiks- an Archivmaterialen spezialiséiert huet. D’Artikele behandele verschidde wichteg Aspekter vun dësem Fachgebitt, wéi Techniken, praktesch Erfarungen an organisatoresch Iwwerleeungen. Si ginn och op wëssenschaftlech Grondlagen an a befaassen sech mat der Entwécklung vun neie Conservatiounstechniken an der Weiderentwécklung vu bewäerte Methoden. D’Artikele sinn op Englesch geschriwwen, mat Resuméen op Englesch an Däitsch.
Andeems si reegelméisseg Restaurator liesen, kënne Conservateuren, Restaurateuren, Bibliothecairen an Archivisten iwwert déi lescht Fuerschungen an Entwécklungen um Lafende bleiwen. De Redaktiounskommitee setzt sech aus Experte vu bekannten Institutiounen an Organisatiounen aus der ganzer Welt zesummen.
▪ D’Informatiounen an dësem Artikel sinn zum Zäitpunkt vu senger Publikatioun korrekt. Beuecht wannechgelift, datt sech eis digital Offer stänneg weiderentwéckelt. Dowéinst kënne verschidden Informatiounen, wéi z. B. d’Modalitéite fir den Zougrëff oder den Inhalt vun Datebanken, säitdeem geännert hunn oder net méi aktuell sinn.
Aktualiséiert